Sumqayıtda baş vermiş ağır qəza ilə bağlı cinayət işi başlanılıb. Sumqayıt24 bu haqda bu gün, 17 mart tarixində Report-a istinadən xəbər verir.
Xəbər verdiyimiz kimi, 15 mart axşam saatlarında Emin Aslanovun idarə etdiyi “Hyundai County” markalı avtobusla Barxudar Hümmətovun idarə etdiyi “Hyundai Santa Fe” markalı avtomobili toqquşub. Nəticədə 16 nəfər xəsarət alıb, onlardan biri, 57 yaşlı Tamella Hümbətova isə xəstəxanada vəfat edib.
Faktla bağlı Cinayət Məcəlləsinin “Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi başlanılıb. Hazırda istintaq aparılır.
