Sumqayıtda "Gənc İxtiraçılar Laboratoriyası” layihəsinin sonuncu təlimi keçirilib. Bu haqda 9 mart tarixində Sumqayıt Tələbələrinin İctimai Birliyinə istinadən xəbər veririk.
Sumqayıt Tələbələri İctimai Birliyi tərəfindən keçirilən təlimdə 30 gənc iştirak edib və onlara sertifikatlar təqdim edilib. Seminar Gənclər Fondunun maliyyə dəstəyi ilə Sumqayıt Dövlət Texniki Kollecində baş tutub.
Layihənin məqsədi İKT mühəndisliyi sahəsinə həvəsi olan şagird və tələbələrdən ibarət laboratoriya yaratmaq, onlarda robot texnologiyaları, dizayn, kodlaşdırma sahələrinə maraq oyatmaq, bu sahədə təhsillərini davam etdirmək, gələcək karyera və ixtisas seçimlərində yardım göstərməkdir.
Ümumilikdə layihə çərçivəsində 5 təlim keçirilib və 150 nəfərdən çox gənc buraya cəlb edilib.
