Sumqayıt şəhər icra başçısı və Abşeron-Xızı Regional Təhsil İdarəsinin müdiri pedaqoji kollektiv ilə görüşüblər. Sumqayıt24 bu haqda bu gün, 2 iyul tarixində Abşeron-Xızı RTİ-yə istinadən xəbər verir.
Zakir Fərəcov və İlhamə Abdullayeva 2 nömrəli məktəbin kollektivi ilə görüşdə təhsil sahəsinin inkişafından danışıblar. Daha sonra məktəbin direktoru Xalid Adıgözəlov gələn qonaqlara rəhbərlik etdiyi təhsil müəssisəsi haqqında məlumat verib.
Adıgözəlovun sözlərinə görə, 2021-2022 tədris ilində 11-ci siniflərdə 69 şagird təhsil alıb. Onların arasında 5 nəfər 500-600 arasında bal toplayıb. 3 nəfər Türkiyə universitetlərinə qəbul olunub. Məktəbin 2 məzunu qırmızı attestata layiq görülüb.
Görüşün sonunda məktəbin müəllimləri ilə birgə xatirə şəkilləri çəkilib.
