Sumqayıtlı şəhid İlkin Məmmədzadənin doğum günüdür. O, 19 dekabr 1991-ci ildə dünyaya gəlib.
İlkin Məmmədzadə ali təhsilini Aqrar Universitetinin Balıqçılıq Təsərrüfatı ixtisası üzrə alıb. Burada Gənclər Təşkilatının sədri olub, “Xəmsə” və “Breyn Rinq” yarışmalarına qatılıb. Bakalavr pilləsini qırmızı diplomla bitirdikdən sonra isə magistraturanı oxuyub.
Baş leytenant Məmmədzadə müharibə zamanı 21 nəfərə yaxın yaralı hərbçini döyüş meydanından çıxarıb. 7 oktyabr 2020-ci ildə saat 10:00 radələrində Tərtər-Ağdərə istiqamətində “Tülkü Dərəsi” adlanan ərazidə qəhrəmancasına şəhadətə ucalıb.
