Sumqayıt sakinləri 30 nömrəli marşrut xətti ilə hərəkət edən avtobusların böyük vaxt intervalı ilə hərəkət etməsindən narazıdır. Bu məsələ ilə bağlı onlar Sumqayıt24-ə müraciət ediblər.
Avtobus sürücülərinin sözlərinə görə, buna səbəb xəttə olan nəqliyyat vasitələrinin sayının az olmasıdır. Bundan əlavə, hər hansı bir avtobus texniki nasazlıq səbəbindən sıradan çıxdıqda da interval uzanır.
Sakinlər qeyd edir ki, bu problemlə ən çox saat 20:00-dan sonra qarşılaşırlar. Bəzən, onlar avtobusu 40 dəqiqəyədək gözləməli olurlar.
