Sumqayıt şəhəri 34-cü məhəllə sakinləri avtodayanacaq probleminin həll olunmasını istəyir. Sumqayıt24-ə bu haqda oxucular məlumat verib.
Onların sözlərinə görə, ərazidə geniş avtodayanacaq olmadığından, bir çox sürücü öz avtomobillərini ev 2/48 önündə park edir. Nəticədə oynamaq üçün yer tapa bilməyən uşaqlar yolun ortasına çıxır, bu isə birbaşa təhlükədir.
“3 böyük binaya 1 balaca həyət var. Onu da bazara gələnlər öz maşınları ilə zəbt edir. Hətta uşaqlarımızı bir neçə dəfə avtomobil vurub. Xahiş edirik bu məsələ ilə bağlı bir tədbir görülsün”, - deyə sakinlər bildirib.
