Sumqayıt şəhər 36 nömrəli tam orta məktəbdə tədris yeni dərs ilindən iki növbəli şəkildə təşkil olunacaq.
Sumqayit24.az xəbər verir ki, Abşeron-Xızı Regional Təhsil İdarəsinin tabeliyində fəaliyyət göstərən və əsaslı şəkildə yenidən qurulan məktəb 1275 şagird yerlikdir, bir korpus və üç mərtəbədən ibarətdir. Binanın ümumi sahəsi 5700 kvadratmetrdən çoxdur. Təhsil müəssisəsi müasir standartlara uyğun infrastruktura malikdir.
Məktəbdə 41 sinif otağı, məktəbəhazırlıq qrupları üçün xüsusi sinif otaqları, 2 biologiya, 2 fizika və 2 kimya laboratoriyası, 2 informatika kabineti, 2 texnologiya otağı (qızlar və oğlanlar üçün ayrılmış), hər biri geniş və tam təchiz edilmiş 2 idman zalı, 3 otaqlı müasir kitabxana-oxu zalı və hər şəraiti olan akt zalı fəaliyyət göstərir.
Bundan əlavə, təhsil ocağında yeməkxana da yaradılıb. Həyətyanı ərazi abadlaşdırılıb, yaşıllaşdırma işləri aparılıb və müasir maddi-texniki baza ilə təmin olunub.
