Novxanıda törətdiyi qəza ilə 4 nəfərin ölümünə səbəb olan Elşad Kəlbəliyev kassasiya şikayəti verib. Sumqayıt24 bu haqda 5 yanvar tarixində Pravda.az-a istinadən xəbər verir.
Ali Məhkəməyə müraciət edən məhkum barəsində bəraət hökmünün çıxarılmasını istəyir. Şikayət hakim Tahir Kazımovun icraatına verilib.
Artıq ilkin baxış iclası keçirilib və anket məlumatları dəqiqləşdirilib. Növbəti iclas yanvarın 18-nə təyin olunub.
Qeyd edək ki, E. Kəlbəliyev 9 il müddətinə azadlıqdan məhrum edilib. Daha sonra o, apellyasiya şikayəti verib. Bakı Apellyasiya Məhkəməsinin qərarı ilə cəza 9 ildən 8 ilə endirilib.
