Sumqayıtda xarabalığa çevrilən “Şərq bazarı” barədə rəsmi açıqlama verilib. Sumqayıt24 bu haqda bu gün, 25 aprel tarixində XəzərTV-yə istinadən xəbər verir.
Bir vaxtlar şəhərin 9-cu mikrorayon ərazisində fəaliyyət göstərən həmin bazar 5 il öncə, 2017-ci ilin may ayında sökülüb. Obyektləri sökülən 66 sahibkara isə həmin ilin sentyabr ayında yeni bazarın tikiləcəyi vəd edilib. Lakin bu günə kimi, bu istiqamətdə heç bir iş görülməyib.
İcra Hakimiyyətindən bu problemlə bağlı açıqlama verilib: “Qeyd olunan ərazidəki “Şərq bazarı”nın sahibi ilə 66 sahibkar arasında torpaqla bağlı mübahisəli məsələ var. Ərazidə tikinti işlərinin aparılması üçün sahibkarlar arasında ümumi razılıq olmalıdır. Sumqayıt şəhər İcra Hakimiyyəti layihə əsasında tikinti işlərinin aparılmasına razılıq verib. Heç bir etirazı yoxdur. Lakin tikinti işlərinin aparılması üçün sahibkarlar və bazar rəhbərliyi öz aralarında razılığa gəlməlidirlər”.
Qeyd edək ki, ərazinin sahəsi 1 hektara yaxındır.[modula id="13837"]
