Sumqayıtda avtobusu saxlamayan sürücünü döyüblər. Sumqayıt24 bu haqda BakuTV-yə istinadən xəbər verir.
Hadisə 7 nömrəli marşrut xəttində baş verib. Belə ki, sərnişin gediş haqqını ödəmək üçün sürücüdən avtobusu dayandırmasını istəyib.
Buna cavab olaraq sürücü Məhəbbəs İsmayılov sərnişinə deyib: “Bir dəqiqə dayan, verim qırağa. Maşının üstündə saxlayım? Nə oldu ki, 1 dəqiqə gözlədin, dünya dağıldı?”.
Bundan sonra sürücü və sərnişin arasında mübahisə yaranıb. Sərnişin pəncərəyə yaxınlaşıb, onların arasında dava başlayıb.
Baş verənlər nəqliyyat vəsitəsindəki kameralara düşüb. Polis tərəfindən həmin sərnişinin şəxsiyyəti müəyyənləşdirilir. Faktla bağlı 4-cü polis bölməsində araşdırlmalara başlanılıb.
