Sumqayıtda avtobus sürücülərinin özbaşınalığı davam edir.
Sumqayit24.az-a daxil olan videoda göründüyü kimi, 7 nömrəli marşrut xətti üzrə hərəkət edən avtobusun sürücüsü Koroğlu prospekti, 10-cu mikrorayon ərazisində dayanacağın olduğu halda sərnişinləri avtomobil yolunun ortasında mindirib-düşürməyi üstün tutur.
Bu ilk növbədə insanların sağlamlığını, hətta həyatını təhlükəyə atır, ikincisi isə digər hərəkət iştirakçılarına çətinlik yaradır.
Şikayətçilər sürücülərin belə nizamsızlığını şəhərin ictimai nəqliyyatına nəzarət edən qurumların səhlənkarlığı ilə əlaqələndirirlər.
