Sumqayıtda ucuz qiymətləri ilə tanınan daha bir market fəaliyyətini dayandırıb.
Sumqayit24.az-a daxil olan məlumata görə, 17-ci mikrorayonda yerləşən "Ucuz" market bağlanıb.
Bildirilib ki, marketin yerində tanınmış mağazalar şəbəkəsinin filialı fəaliyyətə başlayacaq. Mağazanın bağlanma səbəbi isə hələlik məlum deyil.
Marketin bağlanması bəzi sakinlərin narazılığına səbəb olub. Onların sözlərinə görə, münasib qiymətlərə görə uzaq ərazilərdə, hətta Bakı şəhərində yaşayanlar da alış-veriş etmək üçün bu marketə üz tuturdular.
Qeyd edək ki, 10-cu mikrorayonda yerləşən, ucuz qiymətləri ilə tanınan "Hiper Market" də bir müddət əvvəl fəaliyyətini dayandırıb.
