Sumqayıtda ahıl kişi gəlini və nəvəsini ölümcül şəkildə yaralayıb. Bu haqda 1 mart tarixində Sumqayıt24 Qafqazinfo.az-a istinadən xəbər verir.
Hadisə şəhərin 4-cü məhəlləsində qeydə alınıb. 70 yaşlı Şahbala Mirzəməmmədov 40 yaşlı Sevinc Məhərrəmovaya və 9 yaşlı nəvəsinə kəsici alətlə xəsarətlər yetirib. Xəstəxanaya yerləşdirilən yaralıların vəziyyətləri ağır olaraq qiymətləndirilir.
Polis tərəfindən keçirilən əməliyyat tədbirləri nəticəsində Şahbala Mirzəməmmədov saxlanılıb. Faktla bağlı araşdırma aparılır.
