8-ci mikrorayonda çoxmərtəbəli binada yanğın baş verib. Bu haqda bu gün, 11 iyun tarixində Sumqayıt24 xəbər verir.
Hadisə A.Quliyev küçəsində, 17 mərtəbəli binanın 15-ci mərtəbəsində baş verib. Əraziyə 3 yanğın və 2 təcili tibbi yardım maşını cəlb edilib.
Binanın həyətində park edilmiş avtomobillərdən biri xilasedicilərin əraziyə daxil olmasına maneə yaradıb. Sakinlər toplanaraq onu ərazidən uzaqlaşdırıblar. Yanğın təqribən 40 dəqiqəyə söndürülüb.
Hadisə şahidlərinin sözlərinə görə, mənzildə heç kim olmayıb.
