Sumqayıtda həkimlər daha 50 şagirdi müayinə edib. Sumqayıt24 bu haqda 1 iyun tarixində şəhər Tibb Mərkəzinə istinadən xəbər verir.
Sözügedən mərkəz, Abşeron-Xızı Regional Təhsil İdarəsinin dəstəyi ilə "Uşaqların sağlamlığının keşiyində" şüarı altında aksiyaya start verib. Aksiya çərçivəsində 8 nömrəli məktəbdə Sumqayıt Tibb Mərkəzinin 3 həkimi - pediatr, oftalmoloq və stomatoloq 50 məktəblini müayinədən keçiriblər və onlara hədiyyələr veriblər. Əlavə müayinəyə ehtiyacı olan şagirdlərə tibbi göstərişlər verilib.
Qeyd edək ki, ardıcıl 3 gün davam edən aksiyada 150 ibtidai sinif şagirdinin müayinədən keçirilməsi nəzərdə tutulur. Aksiya Fəxrəddin Piriyev adına 18 nömrəli tam orta məktəbdə davam edəcək.
