Sumqayıtda 88 yaşlı Roza Babalı tənha və köməksiz vəziyyətdə qalıb. Sumqayıt24 bu haqda 27 iyul tarixində Xəzər Xəbər-ə istinadən xəbər verir.
Belə ki 17-ci mikrorayon, bina 2, mənzil 2-də yaşayan xəstə qadına qonşular baxsalar da, aidiyyəti qurumlardan onunla heç kim maraqlanmayıb. Qonşuların sözlərinə görə, Roza Babalı 1989-cu ildən sözügedən mənzildə yaşayır. Son aylar onun səhhətində ciddi problemlər yaranıb. Yaşlı qadın ağrıladan gecələr ancaq qışqırmaqla keçirir.
Sosial xidmətlər agentliyinin mətbuat katibi Murad Həşimov bildirib ki, vətəndaşla bağlı daxil olan müraciətə dərhal baxılıb. Agentliyin əməkdaşları ünvana gəliblər: “Roza xanımın biopsixososial qiymətləndirilməsi aparılıb. Nəticədə onu psixi sağlamlıq vəziyyətinə görə müayinə və müalicə ilə bağlı aidiyyəti üzrə təcili yardımın psixi briqadası dəvət olunub.
Qeyd olunub ki, qiymətləndirilmənin ardınca yaşlı qadının aidiyyəti üzrə müəssisədə yerləşdirilməsinə baxılacaq.
