Fövqəladə hallarla bağlı maarifləndirici tədbirlər keçirilib. Bu barədə 23 iyul tarixində Fövqəladə Hallar Nazirliyi məlumat yayıb.
Görüşlər FHN-in Dövlət Yanğın Nəzarəti Xidmətinin mütəxəssislərinin də iştirakı ilə Sumqayıt Regional Mərkəzi tərəfindən Abşeron rayonu, Digah Ailə Sağlamlıq Mərkəzində və Xızı Rayon İcra Hakimiyyəti Kommunal Müəssisələr Kombinatında təşkil olunub.
Tədbirlərin keçirilməsində məqsəd təbii və texnogen xarakterli hadisələrlə bağlı vətəndaşlara müvafiq biliklərin verilməsi olub. Onlara zəruri davranış qaydaları barədə ətraflı danışılıb, ilkin yanğınsöndürmə vasitələrindən istifadə qaydaları nümayiş etdirilib.
Sonda isə iştirakçıların sualları cavablandırılıb.
