Sumqayıt Dövlət Universiteti məlumatlandırma günündə təmsil olunub. Bu barədə 5 noyabr tarixində Sumqayıt24 xəbər verir.
Görüş Təhsildə Keyfiyyət Təminatı Agentliyi tərəfindən təşkil edilib. Cari və növbəti ildə akkreditasiyası planlaşdırılan 13 ali təhsil müəssisəsindən 40-dan çox inzibati heyət, eləcə də SDU-nun Tədrisin təşkili və təlim texnologiyaları üzrə prorektoru dosent Natiq Talıbov, Elm və İnnovasiyalar üzrə prorektor professor Ramazan Məmmədov və Təhsildə keyfiyyət təminatı şöbəsinin müdiri Nərmin Həsənova iştirak ediblər.
Məlumatlandırma gününün məqsədi həmin ali təhsil müəssisələrinə prosesə dair ətraflı məlumat vermək və onların suallarını cavablandırmaq olub.
