Sumqayıt Kimya Sənaye Parkının rezidenti “ALCO” MMC Avropa ölkələrinə ixrac həcmini genişləndirir. Bu haqda bu gün, 19 iyul tarixində Sumqayıt24 xəbər verir.
Belə ki, adıçəkilən şirkət İspaniya, eləcə də Bosniya və Herseqovinaya sürtkü yağlarının ixracına başlayıb. “ALCO” MMC bu ölkələrə 5 min ton həcmində məhsul göndərib.
Bundan öncə “ALCO” MMC istehsal etdiyi məhsulları Almaniya, İtaliya, İngiltərə, Rumıniya və Bolqarıstana göndərib.
Şirkət 2016-cı ildə Sumqayıt Kimya Sənaye Parkının rezidenti kimi qeydiyyata alınıb. İstehsal olunan məhsullar dünyanın 30-a yaxın ölkəsinə “Made İn Azerbaijan” brendi ilə ixrac edilir.
