SDU-nun alimi “İlin psixoloqu” mükafatına layiq görülüb. Bu haqda bu gün, 25 iyun tarixində universitetin saytına istinadən xəbər veririk.
Pedaqogika və Psixologiya kafedrasının dosenti Kəmalə Salamova İstanbulda keçirilən “23-cü Beynəlxalq psixoloji xidmət və məsləhət” adlı konfransda iştirak edib. Mədəniyyət Universitetinin ev sahibliyi ilə təşkil edilən konfransda alim “Sosial şəbəkələrin gənclərin inkişafına təsiri” mövzusunda çıxış edərək mükafatlandırılıb.
Bundan əlavə, Salamova EBAS202-nin (Təhsil və Elmi Araşdırmalar) “Təhsildə fürsət bərabərliyi” konfransında “Boşanmanın uşaqların təhsilinə və şəxsi inkişafına təsiri” mövzusunda təqdimatla çıxış edib və İstanbul Təhsil İdarəsi tərəfindən mükafata layiq görülüb.
