Almaniyanın Azərbaycandakı səfiri Sumqayıta səfər edib. Sumqayıt24 bu barədə 1 noyabr tarixində Report.az-a istinadən xəbər verir.
Səfər çərçivəsində səfir Ralf Horlemann icra başçısı Zakir Fərəcov ilə görüşüb.
"Lüdviqshafenlə 45 ildir qardaşlaşmış Sumqayıt şəhərinə ilk səfərim. Dostluğa çevrilən tərəfdaşlıq. Qonaqpərvərliyə görə icra başçısı Zakir Fərəcova təşəkkür edirəm", - deyə diplomat bildirib.
Səfir Ralf Horleman həmçinin “Azərikimya” İB-də olub. Şirkətin baş direktoru İmran Arzumanzadə ona "Etilen-polietilen zavodunda Buxar Generator Kompleksinin enerji effektivliyinin və gücünün artırılması" layihəsi haqqında ətraflı məlumat verib.
