Sumqayıtda kamança ifaçısı, Əməkdar artist Toğrul Əsədullayevin ustad dərsi keçirilib. Sumqayıt24 bu barədə 28 noyabr tarixində xəbər verir.
Ustad dərsi Q.Qarayev adına 1 nömrəli Uşaq Musiqi Məktəbində təşkil olunub. Təhsil oçağının direktoru Vüqar Hacıyev çıxış edərək qonağı səhnəyə dəvət edib. Məktəbdə kamança ixtisası üzrə təhsil alan Şükran İslamzadə və Xəyyam Cəfərzadənin iştirakı ilə keçirilən dərs zamanı şagirdlərin ifasında musiqi nümunələri səsləndirilib. Dərs Toğrul Əsədullayevin ifası ilə sona çatıb.
