Qida Təhlükəsizliyi Agentliyinin (AQTA) sədri Sumqayıtda qəbul keçirib. Bu barədə Sumqayıt24 xəbər verir.
Sədr Qoşqar Təhməzli Heydər Əliyev Mərkəzində Sumqayıt şəhəri və Abşeron, Xızı, Qubadlı, Zəngilan rayonlarından olan vətəndaşlarla görüşüb. Onların müraciətlərini dinləyib, ərizə və şikayətlərinə baxıb.
Müraciətlər, əsasən, regionda bitkiçilik, heyvandarlıq və qida sahəsində fəaliyyət göstərən sahibkarlıq subyektlərinin fəaliyyəti, o cümlədən ixrac olunan məhsullara sertifikatların verilməsi, məhsulların laborator müayinələrinin aparılması, heyvan kəsimi fəaliyyəti və bununla bağlı həyata keçirilən baytarlıq nəzarəti ilə bağlı olub.
Sonda Azərbaycan Qida Təhlükəsizliyi İnstitutunda vakant yerlərə müraciət etmiş namizədlərlə görüş keçirilib. Onların müraciətlərinə baxılıb. [modula id="30217"]
