Sumqayıtda ata olmağa hazırlaşan şəxslər və gənc atalar üçün seminar keçirilib. Bu haqda 27 iyul tarixində Gənclər Evinə istinadən xəbər veririk.
“Atalar Məktəbi - Məsuliyyətli Atalığa Doğru” layihəsi çərçivəsində təşkil olunan info-sessiyalar 5 ay davam edəcək. Avropa İttifaqının dəstəyi ilə həyata keçirilən layihənin hədəfləri aşağıdakılardır:
- Qadın hüquqlarını məhdudlaşdıran gender stereotipləri və patriarxal normalarla bağlı ictimai düşüncələrin dəyişdirilməsi;
- Uşaqlara qayğı göstərilməsinə kişilərin cəlb olunmasının və onların atalıq proqramlarında iştirakının artırılması;
- İştirakçılar arasında atalıq təcrübəsinin kişilər üçün vacib olmasına dair məlumatlılığın artırılması;
- Ailə planlamasının vacibliyini və ailədəki dəyərlərin fromalaşmasında kişilərin rolunun iştirakçılara aşılanması.
