Sumqayıtda sakinlər avtobus dayanacağının avtomobillərlə zəbt olunmasına görə narazıdırlar. Sumqayıt24 bu barədə 3 dekabr tarixində Oxu.az-a istinadən xəbər verir.
Bu hal Sumqayıt Dəmiryol Vağzalı ətrafında müşahidə olur. Burada avtomobillər ərazini zəbt etdiyinə görə marşrut avtobusları dayanacağa daxil ola bilmir.
İctimai nəqliyyatın sürücüləri məcbur qalıb (olub) sərnişinləri yolun ortasında düşürdürlər. Əsasən günün pik saatlarında avtobuslar dayanacaq ətrafına yaxınlaşa bilmirlər. Bəziləri isə heç vağzal ətrafından belə keçmirlər.
Mövzu ilə bağlı şəhər Polis İdarəsi Dövlət yol polisi şöbəsindən bildirilib ki, məsələdən xəbərləri var və aidiyyəti qurumlarla birgə problemin aradan qaldırılması istiqamətində tədbirlər həyata keçiriləcək.
