Sumqayıtda sürücü onu söyən sərnişini avtobusdan yerə atıb. Sumqayıt24 bu haqda 29 iyun tarixində sosial şəbəkələrə istinadən xəbər verir.
Hadisə 16 iyun tarixində, 12 nömrəli marşrut xətti ilə hərəkət edən avtobusda baş verib. İlkin ehtimala görə, orta yaşlı qadın sürücüdən avtobusu dayanacaqdan kənarda saxlamasını tələb edib. Nəticədə onlar arasında mübahisə yaranıb. Qadın sürücünü təhqir edib və başına çanta ilə zərbələr endirib. Sürücü isə, öz növbəsində, onu təpiklə vurub. Bunun təsirindən sərnişin qapıdan yola yıxılıb.
Qadın yüngül xəsarət alıb. Hazırda vəziyyəti yaxşıdır.
Araşdırma aparılır.
