Saray qəsəbəsinin sakinləri avtobusların sayının az olması və aralarındakı vaxt intervalının çox olmasından narazıdırlar. Bu barədə Sumqayıt24-ə 22 avqust tarixində izləyicilərdən məlumat daxil olub.
Söhbət 522 nömrəli marşrut xəttindən gedir. “Üzümlük” yaşayış massivinin sakinlərinin sözlərinə görə, marşrut üzrə cəmi 3-4 avtobus işləyir.
“Şəhərə üz tutanda, uzun müddət gözləməyə məcbur oluruq. Avtobus 1 saatdan bir gəlir. Uşaqlarımızı məktəbə apararkən çətinlik çəkirik, onlar dərsə gecikirlər. Avtobusların sayının artırılmasını istəyirik”, - deyə izləyicilər bildiriblər.
