Sumqayıt sakininin idarə etdiyi avtomobil teplovozla toqquşub. Sumqayıt24 bu haqda, bu gün 28 fevral tarixində Report-a istinadən xəbər verir.
Hadisə 2 gün öncə, Bakının Xəzər rayonu ərazisində baş verib. Belə ki, Qala-Binə dəmiryolu mənzilinin 30-cu kilometrliyində qorunmayan dəmiryolu keçidində 21 yaşlı Sumqayıt sakini Nicat Fərzəliyevin idarə etdiyi “Chevrolet Cruze” markalı avtomobili, 33 yaşlı maşinist Kamil İmanov və onun köməkçisi 37 yaşlı Vasif Mustafayevin idarə etdikləri Biləcəri-Lokomotiv deposuna məxsus teplovozla toqquşub.
Fərzəliyev və onun sərnişini Yaqub Yusifzadə xəstəxanaya yerləşdiriliblər. Nəticədə, Fərzəliyev 27 fevral tarixidə orada vəfat edib.
Faktla bağlı araşdırma aparılır
