Sumqayıtda avtobus sürücüləri hərəkət sxemi ilə fəaliyyət göstərmirlər.
Sumqayit24.az-a şikayət ünvanlayan sərnişinlərin sözlərinə görə, 7A marşrut xəttinin əksər sürücüləri Bakı küçəsi ilə hərəkətdə olarkən avtovağzala getməkdən imtina edirlər:
“Onlar “12 mərtəbələr”dən düz Sülh prospektinə dönürlər. Yəni avtovağzal dayanacağına girmirlər. Səbəb gətirmirlər, sadəcə “üzrlü sayın, ora girmirəm” deyirlər. Biz nə üçün ödəniş edirik, yarı yolda düşmək üçün?
Onlar nə hava şəraitini, nə də qoca, əli yüklü insanları nəzərə almırlar.
Sumqayıt avtovağzalında nə tıxac?! 3 dəqiqəyə keçiləcək yoldur. Onların dərdi bir-biri ilə yarışmaq, daha çox pul qazanmaqdır. Nağdsız ödəniş, maaşlı sistem qurulmadan problemlərin ardı gələcək!
Belə davam etsə, sərnişinlər də gedişhaqqının yarısını versinlər”.
