Sumqayıtda fəaliyyət göstərən “Aypara” kukla teatrı sığınacaqda olan uşaqları sevindirib. Bu haqda 25 iyul tarixində Mədəniyyət Xəbərləri adlı Facebook səhifəsinə istinadən yazırıq.
Sözügedən teatr Nəriman Nərimanov adına Mədəniyyət Mərkəzinin “Dostluq” Mədəniyyət evində fəaliyyət göstərir. Onlar “Cırtdan” tamaşası ilə paytaxtın Binəqədi rayonunda yerləşən Qadın və Uşaq Sığınacağında olublar.
Qeyd edək ki, görüş günü sığınacaqda məskunlaşan bir qız övladının doğum gününə təsadüf edib. Bu isə onu ikiqat sevindirib.
