Azərbaycan Yazıçılar Birliyi Sumqayıt bölməsi, S. Vurğun adına Mərkəzi kitabxana və N. Gəncəvi adına Kitabxana klubunun birgə təşkilatçılığı ilə tədbir keçirilib. Bu haqda AYB-nın Facebook səhifəsinə istinadən yazırıq.
“Beynəlxalq Poeziya Günü”nə həsr olunmuş tədbir "Gəlin şeirdən danışaq” adlandırılıb. Burada Türkiyənin Mersinli şairlər, yazarlar dərnəyinin üzvləri, azərbaycanlı şairlər, yazıçılar və kitabxana oxucuları iştirak ediblər.
Şairlər - Faiq Balabəyli, Natiq Qubadoğlu, Gülnar Ümid, yazıçı, ssenarist, kulturoloq Hafiz Ataxanlı, Çinar Arıkan, Mustafa Doğan, Fatma Arıkan və Sait Mercan öz şeirləri ilə yanaşı Azərbaycan və Türk şairlərinin yaradıcılıqlarından nümunələr söyləyiblər.
