G
Xəbərlərimizi Google-da izləyin
Yeniliklərdən dərhal xəbərdar olun
Abunə ol
2025-ci ilin sosial paketi çərçivəsində bir sıra sosial müavinətlərin məbləği artırılıb.
Sumqayit24.az xəbər verir ki, bu barədə deputat Vüqar Bayramov danışıb. Onun sözlərinə görə, bu artımlar minimum əməkhaqqının artırılması ilə bağlıdır.
Əsas artımlar:
- Cəza çəkməkdən azad edilən, tibbi və sosial yardıma ehtiyacı olan şəxslərə verilən müavinət 1380 manatdan 1600 manata qaldırılıb.
- Peşə xəstəliyi və istehsalat qəzası nəticəsində əmək qabiliyyətini itirən şəxslərə ödənilən aylıq müavinət 276 manatdan 320 manata artırılıb.
- Həlak olan şəxslərin ailə üzvlərinə və himayəsində olanlara verilən aylıq müavinət 345 manatdan 400 manata yüksəldilib.
- Dəfn üçün müavinət 840 manatdan 960 manata çatdırılıb.
Nazirlər Kabinetinə digər sosial müavinət və təqaüdlərin artırılması ilə bağlı tapşırıq verilib. Yaxın günlərdə bu istiqamətdə yeni qərarların qəbul ediləcəyi gözlənilir.
