20 oktyabr – 20 noyabr tarixlərini əhatə edən "Uşaq hüquqları aylığı" çərçivəsində Sumqayıt Şəhər İcra Hakimiyyəti və Abşeron-Xızı Regional Təhsil İdarəsinin birgə təşkilatçılığı ilə "Mənim hüququm nədir?" mövzusunda inşa müsabiqəsi təşkil olunur.
Müsabiqənin əsas məqsədi uşaqların öz hüquqları barədə biliklərinin artırılması, hüquqi maarifləndirilməsi, onların sərbəst düşünmə və fikirlərini ifadə etmə bacarıqlarının inkişaf etdirilməsidir.
Müsabiqə çərçivəsində şagirdlər təhsil, sağlamlıq, müdafiə, bərabərlik və digər fundamental uşaq hüquqları ilə bağlı düşüncələrini qələmə alaraq mövzuya öz baxışlarını təqdim edəcəklər.
Bu təşəbbüs uşaqlar arasında hüquq mədəniyyətinin formalaşdırılmasına, onların cəmiyyətin fəal və məsuliyyətli üzvləri kimi yetişməsinə töhfə verməyi hədəfləyir.
