Son illər ölkəmizdə Polad adının uşaqlara verilməsində artım müşahidə olunur.
Sumqayit24.az xəbər verir ki, cari ilin əvvəlindən bu günə qədər 65 uşağa Polad adı verilib.
Qeyd edək ki, Polad adı 2020-ci ildə Ermənistan-Azərbaycan dövlət sərhədində başlanmış Tovuz döyüşləri zamanı Azərbaycan Ordusunun general-mayoru Polad Həşimovun şəhid olmasından sonra daha da məşhurlaşıb.
Belə ki, ötən il yeni doğulan 140 körpəyə Polad adı verilib. 2023-cü ildə 153, 2022-ci ildə 196, 2021-ci ildə 306 uşağa Polad adı verilmişdisə, 2020-ci ildə Polad adı verilən uşaqların sayı 193 olub.
Bundan əlavə, Xudayar adlı uşaqların da adlarında artım var.
Xudayar adı isə Vətən müharibəsində Dövlət Sərhəd Xidmətinin hərbi qulluqçusu Xudayar Yusifzadənin şəhid olmasından sonra daha çox uşaq adlarında istifadə olunmağa başlayıb.
Xatırladaq ki, ötən gün general-mayor Polad Həşimovun şəhid olmasından 5 il ötüb. Bu gün isə şəhid Xudayar Yusifzadənin doğum günüdür.
