Aprel ayında baş vermiş yanğından sonra "Azərsun Sənaye Parkı” məhsul istehsalı və ehtiyatların yaradılması problemi ilə üzləşməyib. Sumqayıt24 bu haqda 24 iyun tarixində Report.az-a istinadən xəbər verir.
Zavod Hacı Zeynalabdin Tağıyev qəsəbəsində yerləşir. Holdinqin baş icraçı direktoru Savaş Uzanın sözlərinə görə, baş vermiş hadisəyə görə müəyyən itkilər olub: “Lakin yanğın baş verən gün də istehsal davam edirdi, bu gün də belədir. Zavod öz işini tam gücü ilə davam etdirir”.
Daha sonra o, sığorta ödənişi məsələsinə də aydınlıq gətirib: "Bildiyiniz kimi, bizim sığortamız var idi və biz də şirkət olaraq sığorta ödənişi üçün müraciət etmişik. Bu işlər bir az vaxt alır, öncə rəsmi hesabatların açıqlanması lazımdır. Hazırda nəticələri, təzminatın ödəniləcəyini gözləyirik”.
