Azərbaycan kimya elminin inkişafında mühüm xidmətləri olan görkəmli alim, "Şöhrət" ordeni laureatı, uzun illər Sumqayıtda yerləşən Polimer Materialları İnstitutunda laboratoriya müdiri vəzifəsində çalışmış, AMEA-nın müxbir üzvü Mustafa Salahov 95 yaşında vəfat edib.
Sumqayit24.az xəbər verir ki, Mustafa Salahov uzunmüddətli elmi və pedaqoji fəaliyyəti dövründə kimya elminin aktual problemlərinin tədqiqinə, fundamental və tətbiqi araşdırmaların aparılmasına, yüksəkixtisaslı elmi kadrların hazırlanmasına böyük töhfələr verib.
O, Polimer Materialları İnstitutunda çalışdığı illər ərzində bir sıra mühüm elmi istiqamətlərin formalaşmasına rəhbərlik edib, səmərəli elmi fəaliyyəti ilə institutun elmi potensialının güclənməsində mühüm rol oynayıb.
