Bakı-Sumqayıt yolunda “100 manatlıq əsginaslar” səpələyən şəxs saxlanılıb. Sumqayıt24 bu haqda 18 may tarixində Qafqazinfo-ya istinadən xəbər verir.
“Opel” markalı avtomobilin sürücüsü dostu ilə birlikdə pəncərədən küçəyə pul səpələyib. Bunu görən polis əməkdaşları avtomobili dayandırmağa çalışıb. Lakin qanuni tələbə uymayan şəxslər təqibdən uzaqlaşmağa cəhd edib. Buna baxmayaraq onları Səbail rayonu, Lermontov küçəsində yaxalamaq mümkün olub.
Həmin şəxslərin Cəlilabad rayon sakini, 26 yaşlı S. Sadıqov və dostu Sübhan olduğu müəyyən edilib. Avtomobilin sahibi olan Sübhan qaça bilsə də, Sadıqov saxlanılıb. Nəqliyyat vasitəsində xeyli miqdarda saxta manat və dollar əsginasları aşkar edilib. Həmin şəxs saxta pulları "Torqovaya"da 150 ədədinə 15 manat verərək aldığını etiraf edib.
Onun barəsində ”Polis işçisinin qanuni tələbinə qəsdən tabe olmama” maddəsi ilə protokol yazılıb və məhkəməyə göndərilib. Məhkəmənin qərarı ilə S. Sadıqov 8 sutka inzibati qaydada həbs edilib.
