Sumqayıt şəhər Mərkəzi Uşaq Kitabxanasına ekskursiya edilib. Bu haqda 16 fevral tarixində Sumqayıt MUK-yə istinadən xəbər veririk.
Ekskursiyada 66 nömrəli Körpələr evi-Uşaq bağçasının balaca fidanları iştirak ediblər. Kitabxananın mütəxəssisi Səbinə Qasımova balacaları rəngarəng kitab və jurnallarla tanış edib, sonra onlara kitabla düzgün rəftar etməyi öyrədib. Uşaqlar oxu zalında Azərbaycan nağıllarını dinləyib, maraqlı tapmacalara cavab verib, şeirlər söyləyib, kitabxana əməkdaşlarının dünya və milli uşaq ədəbiyyatı nümunələri əsasında hazırladıqları videoçarxları izləyiblər. Sonda fidanlar kitabxanadan şən əhval-ruhiyyə ilə ayrılıblar.
