Sumqayıt Baş Gömrük İdarəsində sahibkarlarla görüş təşkil olunub. Sumqayıt24 bu haqda 6 iyul tarixində Customs.gov.az-a istinadən xəbər verir.
Görüşdə idarənin rəisi Coşqun Əhmədzadə, məsul şəxsləri və sahibkarlar iştirak ediblər. Çıxış edənlər gömrük sistemində aparılan islahatlar barədə danışıb. Qeyd edilib ki, islahatlar nəticəsində vətəndaş-məmur təması minimuma endirilib, mal və nəqliyyat vasitələrinin sərhədkeçmə prosesləri sürətləndirilib. Gələcəkdə də tətbiq ediləcək layihələr biznes nümayəndələri ilə məsləhətləşmələr aparılaraq reallaşdırılacaq.
Daha sonra sahibkarlara söz verilib. Onların təklif və rəyləri dilnənilib, maraqlandıran sualları cavablandırılıb.
