Sumqayıtda məcburi köçkünə görə evsiz qalan şəxs danışıb.
Xezerxeber.az-ın məlumatına görə, Qubadlı rayonunun Muradxanlı kəndindən keçmiş məcburi köçkün Mehriban Hüseynova hazırda başqasının evində yaşayır və buradan çıxmaq qarşılığında pul tələb edir. Buna dair onun səs yazısı yayılıb. Mehriban Hüseynova səs yazısının ona aid olduğunu inkar etmir.
İddialara əsasən, o, 32 il bundan öncə sığınacaq üçün öz 4 otaqlı evini məcburi köçkünə verən Səlminaz Verdiyevanı təhdid edir. Hətta evdən çıxmaq üçün özü və baldızı üçün ümumilikdə 20 min manat pul tələb edir.
Maraqlıdır ki, mənzilin əsl sahibi Səlminaz Verdiyeva isə deyir ki, öz evi ola-ola yataqxanada yaşayır. Ev sahibi bildirir ki, Mehriban Hüseynova və baldızından evini boşaltmalarını tələb edib. Qərar da verilib ki, həmin keçmiş məcburi köçkünlər evi boşaltsınlar, ancaq onlar nəinki buna əməl etmirlər, əksinə, buna görə ondan pul tələb olunur.
Baş verənlərə Qaçqınların və Məcburi Köçkünlərin İşləri Üzrə Dövlət Komitəsindən də bildirilib ki, yayılan səs yazısından onlar da məlumatlıdırlar.
Qubadlı rayon İcra Hakimiyyətindən isə qeyd olunub ki, baş verənlərlə bağlı sözügedən ailə ilə görüş keçirilib. Lakin onların müvəqqəti başqa mənzildə məskunlaşması üçün icra hakimiyyətinin balansında hələ ki, hər hansı bir mənzil yoxdur.
Ətraflı süjetdə:
https://www.youtube.com/watch?v=sZTiE4Aq_5o
