BDU-nun bir qrup tələbələsi Sumqayıt Məhkəmə Kompleksini ziyarət edib. Sumqayıt24 bu barədə 12 noyabr tarixində Ədliyyə Nazirliyinə isinadən xəbər verir.
Ziyarət 22 Noyabr - Ədliyyə İşilərinin Peşə Bayramı Günü münasibətilə baş tutub. Hüquq fakültəsinin tələbələrinin sözügedən məhkəmə və orada yaradılan müasir şəraitlə tanış olublar. Onlar həmçinin, burada tətbiq olunan "Elektron məhkəmə" informasiya sistemi və onun imkanları, digər innovasiyalar barədə məlumatlandırılıblar.
Eyni zamanda tələbələr binada böyük akt zalına, müxtəlif tədbirlərin, o cümlədən tədris kurslarının keçirilməsi üçün zəruri avadanlıqla təchiz olunmuş konfrans və iclas zallarına, kitabxanaya baxıblar. Sonda xatirə şəkli çəkdirilib.
