11 oktyabr 2020-ci ildə, İkinci Qarabağ müharibəsi zamanı, gecə saat 02:00 radələrində Gəncə şəhəri Ermənistan ordusu tərəfindən yenidən atəşə tutulub.
Erməni silahlı qüvvələri Gəncənin mərkəzi hissəsinə, "Qələbə parkı"nın ətrafına, Ələkbər bəy Rəfibəyli küçəsində yerləşən çoxmənzilli yaşayış binalarına "Skad-B" raketlərini atıb. Nəticədə 10-dan artıq çoxmənzilli binaya, 100-dən çox müxtəlif obyektlərə ziyan dəyib.
Bu terror nəticəsində 5-i qadın olmaqla 10 nəfər həlak olub. Ümumi 6-sı uşaq, 16-sı qadın olmaqla 33 nəfər yaralanıb.
