Sumqayıt Dövlət Rəsm Qalereyasında “Uşaqlar sülh istəyir” adlı rəsm sərgisi açılıb. Sumqayıt24 bu barədə 30 avqust tarixində Azərtac-a istinadən xəbər verir.
Beynəlxalq Sülh Aylığı çərçivəsində təşkil olunan sərgidə C.Cabbarlı adına Mədəniyyət evinin rəsm dərnəyinin üzvlərinin rəsmləri təqdim edilib. Mədəniyyət evinin “Turan” milli rəqs qrupunun çıxışı ilə başlayan tədbirdə mədəniyyət müəssisəsinin solisti Amil Axundzadənin ifaları maraqla qarşılanıb.
İştirakçılara beynəlxalq Sülh Gününün tarixi, mahiyyəti haqqında məlumat verilib. Qonaqlara cəmiyyətimizi, bəşəriyyətimizi sülhə səsləyən, açıq səma altında azad, sülh və əmin-amanlıq şəraitində yaşamaq istəyən uşaqların Sülh Gününə həsr olunan rəsm sərgisi təqdim edilib.
Sonda rəsm dərnəyinin rəhbəri Könül Qədirova gənc rəssamları təbrik edib, onlara Mədəniyyət evinin Fəxri fərman və hədiyyələrini təqdim edib.
