Sumqayıtda "Dünyamızı qoruyaq" adlı tədbir keçirilib. Bu haqda bu gün, 22 aprel tarixində Sumqayıt UGİM-ə istinadən xəbər veririk.
41 nömrəli məktəbdə baş tutan tədbir "Beynəlxalq Yer günü" ilə əlaqədar təşkil edilib. Qonaq qismində UGİM-im direktoru Əntiqə Rzayeva, 41 nömrəli məktəbin direktoru Gülnarə Babayeva ,4 saylı Regional Ekologiya Təbii Sərvətlər İdarəsinin aparıcı məsləhətçisi, müfəttiş Elmar Musayev, məsləhətçilər Namazova Sara, Umudova Sevil və Hacıyeva Məleykə iştirak ediblər.
Tədbirə qatılan qonaqlar şagirdlər ilə birgə məktəbin həyətyanı sahəsində ağacəkmə aksiyasında iştirak ediblər.
