Sumqayıt sakinləri qəzada xəsarətlər alıblar. Sumqayıt24 bu haqda 26 dekabr tarixində Report.az-a istinadən xəbər verir.
Hadisə dünən Bakı-Quba yolunun Şabran rayonundan keçən hissəsində baş verib. Sumqayıt sakini, 54 yaşlı Bayram Həsənovun idarə etdiyi "Opel" markalı avtomobil və Bakı sakini, 33 yaşlı Gülnar Zeynalovanın "Hyundai" markalı avtomobili toqquşub.
Nəticədə Bayram Həsənov, 47 yaşlı həyat yoldaşı Samirə Əliyeva və oğlu, 29 yaşlı Fariz Bayramoğlu müxtəlif dərəcəli xəsarətlərlə rayonun Mərkəzi Xəstəxanasına çatdırılıblar.
Samirə Əliyevanın vəziyyəti ağır olduğundan o, Sumqayıt şəhərindəki xəstəxanaya göndərilib.
Faktla bağlı araşdırma aparılır.
