Sumqayıt şəhərinin Xəzər bağları ərazisində yolda hərəkət çətinləşib.
Sumqayit24.az xəbər verir ki, şəhid Qubat Əliyev küçəsində sakinlər bir həftədən çoxdur ki, içməli su xəttində baş verən qəza zamanı yaranan sızıntı problemi ilə üzləşiblər. Yeraltı borudan sızan su küçədə piyadaların hərəkətini iflic edib, uşaqlar məktəbə getməkdə çətinlik çəkirlər.
Sakinlərin sözlərinə görə, əvvəllər də bu məsələ ilə bağlı şikayətlər olunub, lakin müvafiq qurumun əməkdaşları əraziyə baxış keçirib, heç bir tədbir görmədən çıxıb gediblər.
“Bir neçə gün öncə isə problemi “həll etmək” üçün yola çınqıl daş tökülüb, amma bu da faydasız olub. Boru təmir edilməsə, vəziyyət həmişə dəyişməz qalacaq”, - deyə şikayətçilər bildiriblər.
