“Saray-H” MTK-da yaşayan sakin “Azərsu” ASC-nin əməkdaşını döyüb. Bu haqda Trend-ə istinadən xəbər veririk.
Məlumata görə, MTK-nın 45-ci mənzilində yaşayan abonentin 679,93 manat borcu olduğu üçün 7 fevral tarixində onun evinə su təchizatı dayandırılıb. Lakin buna baxmayaraq o, su xəttini özbaşına şəbəkəyə qoşub.
Bu səbəbdən, 8 fevral tarixində “Bağlar Sukanal” İdarəsinin əməkdaşı, Allahşükür İsazadə həmin ünvana yaxınlaşaraq, vətəndaşa borcun ödənilməsinin vacibliyini izah edib. Lakin abonent, idarə əməkdaşını yumruqla vurub və ona xəsarət yetirib.
Baş vermiş hadisənin araşdırılması üçün Polis İdarəsinə müraciət olunub.
Abonentlər yerli sukanal idarəsi və ya sahəsinə müraciət edərək borclarını aylar üzrə bölünmüş ödəniş qrafiki üzrə hissə-hissə ödəyə bilər.
