Ev bitkiləri mənzillərə gözəllik və təravət bəxş etsə də, bəzilərinin sağlamlığa zərərli olduğu məlum olub. Mütəxəssislər xəbərdarlıq edir ki, bəzi məşhur dekorativ bitkilər toksik maddələr yayaraq allergiya, başgicəllənmə, hətta tənəffüs problemlərinə səbəb ola bilər.
Baku.ws xəbər verir ki, ən çox təhlükəli sayılan bitkilər arasında difinbaxiya, oleandr, azaliya, xlorofitum, siklamen və filodendron yer alır. Bu bitkilərin tərkibindəki kimyəvi maddələr xüsusilə uşaqlar və ev heyvanları üçün təhlükə yaradır.
Mütəxəssislər bildirirlər ki, difinbaxiyanın yarpaqlarına toxunmaq dəridə qıcıqlanma və qaşıntı yarada bilər. Oleandrın bütün hissələri zəhərlidir – təsadüfən udulduqda ürək ritmini poza bilər. Azaliya və siklamen isə uzun müddətli təsirdə baş ağrısı və halsızlığa səbəb olur.
Həkimlər və botanika mütəxəssisləri məsləhət görürlər ki, evdə bitki seçərkən onun mənşəyi və xüsusiyyətləri diqqətlə araşdırılsın. Əgər ailədə uşaqlar və ya ev heyvanları varsa, toksik olmayan, hava təmizləyici xüsusiyyətə malik bitkilərə – məsələn, aloevera, qardeniya, paxira və ya spatifilluma üstünlük verilməlidir.
Beləliklə, gözəlliklə sağlamlıq arasında balansı qorumaq üçün bitkiləri seçərkən diqqətli olmaq vacibdir.
