Bu gün, 5 oktyabr – Beynəlxalq Müəllimlər Günüdür.
Sumqayit24.az xəbər verir ki, bu əlamətdar gün UNESCO-nun qərarı ilə 1966-cı ildən qeyd edilir.
Ölkəmizdə isə müəllimlər günü 1993-cü ildən qeyd edilməyə başlanıb.
Müəllimlik dünyada ən çətin, eyni zamanda ən şərəfli və ən gözəl peşədir.
Müəllim əməyinin nəticəsində cəmiyyət formalaşır, savadlı, bilikli, geniş dünyagörüşlü, nümunəvi əxlaqa malik insanlar yetişir.
Hər birimizin layiqli vətəndaş kimi yetişməyində müəllimlərimizin əvəzsiz xidmətləri olmuşdur.
Sumqayit24.az adından respublikanın bütün müəllimlərini səmimi qəlbdən təbrik edir, onlara can sağlığı, bu şərəfli və məsuliyyətli fəaliyyətlərində uğurlar arzulayırıq.
