Bu gün Azərbaycanda Aşura günüdür.
Qafqaz Müsəlmanları İdarəsi (QMİ) Qazılar Şurasının fətvasına əsasən, bu il Məhərrəm ayının onuncu – Aşura günü iyulun 5-nə təsadüf edir.
Aşura günü ilə əlaqədar Sumqayıt şəhər “Cümə” məscidində qanvermə aksiyası təşkil edilib. Sözügedən aksiya insanlar arasında həmrəyliyin aşılanması, yardımlaşmanın önəmini təşviq etmək məqsədi daşıyır.
Toplanan qan hemofiliya və talassemiyadan, həmçinin digər xəstəliklərdən əziyyət çəkən insanların müalicəsində istifadə olunacaq.
Qeyd edək ki, bu il Məhərrəm ayı iyunun 26-da başlayıb.
